"Барселона" клуби Чемпионлар лигаси чорак финалининг "Атлетико" Мадридга қарши кечган илк ўйинидаги ҳакамликдан норози.

Чоршанба куни бўлиб ўтган учрашув "кўк-анорранглилар"нинг 0:2 ҳисобидаги мағлубияти билан якунланди. 44-дақиқада мезбонлар ҳимоячиси Пау Кубарси тўғридан-тўғри қизил карточка олди, иккинчи бўлим бошида эса ҳакам, каталонияликларнинг фикрича, аниқ пенальтини белгиламади: "матрасчилар" ҳимоячиси Марк Пубиль дарвозабон Хуан Муссо тўпни ўйинга киритиб бўлган вазиятда қасддан қўли билан ўйнаган. Журналист Санти Овалленинг хабар беришича, "Барселона" ҳакамликдан қаттиқ хафа ва УЕФАга расмий шикоят қилиш имкониятини жиддий кўриб чиқмоқда.

14 апрель куни "Атлетико" майдонида жавоб баҳси бўлиб ўтади.