Мадриднинг "Атлетико" ҳужумчиси Антуан Гризманн "Барселона" устидан қозонилган ғалабадан сўнг жамоадоши Хулиан Альваресни мақтади.

"Матрасчилар" "кўк-анорранглилар" билан кечган илк чорак финал баҳсида зафар қучишди (2:0). 45-дақиқада Альварес жарима зарбасидан гол урди, 70-дақиқада эса Александр Сёрлот меҳмонларнинг устунлигини икки баробарга оширди. 44-дақиқадан бошлаб каталонияликлар бир киши кам бўлиб ўйнашди.

"Хулиан ўзини жуда яхши кўрсатмоқда. У жамоага кўп фойда келтиряпти ва умид қиламанки, у бизни Чемпионлар лигаси финалига олиб чиқади", – деди Гризманн Movistar Plus+ телеканалига берган интервьюсида.