«Барселона» марказий ҳимоячиси Пау Кубарси Чемпионлар лигаси чорак финалининг Мадриднинг «Атлетико» клубига қарши дастлабки баҳсида жамоасини бир киши кам бўлиб қолишига сабабчи бўлди.
19 ёшли футболчи «Камп Ноу»да кечган учрашувнинг 44-дақиқасида тўғридан-тўғри қизил карточка олди. The Touchline нашрининг хабар беришича, шу тариқа испаниялик футболчи Чемпионлар лигасидаги четлатишлар сони бўйича агрессив ўйини билан ном чиқарган машҳур португалиялик собиқ ҳимоячи Пепе билан тенглашиб олди.
Бир киши кам бўлиб қолган «кўк-анорранглилар» дарҳол гол ўтказиб юборишди — жарима зарбасини Хулиан Альварес голга айлантирди. Иккинчи бўлимда меҳмонлар Александр Сёрлотнинг саъй-ҳаракатлари билан устунликни икки баробарга оширишди.













