«Barselona» markaziy himoyachisi Pau Kubarsi Chempionlar ligasi chorak finalining Madridning «Atletiko» klubiga qarshi dastlabki bahsida jamoasini bir kishi kam bo‘lib qolishiga sababchi bo‘ldi.

19 yoshli futbolchi «Kamp Nou»da kechgan uchrashuvning 44-daqiqasida to‘g‘ridan-to‘g‘ri qizil kartochka oldi. The Touchline nashrining xabar berishicha, shu tariqa ispaniyalik futbolchi Chempionlar ligasidagi chetlatishlar soni bo‘yicha agressiv o‘yini bilan nom chiqargan mashhur portugaliyalik sobiq himoyachi Pepe bilan tenglashib oldi.

Bir kishi kam bo‘lib qolgan «ko‘k-anorranglilar» darhol gol o‘tkazib yuborishdi — jarima zarbasini Xulian Alvares golga aylantirdi. Ikkinchi bo‘limda mehmonlar Aleksandr Syorlotning sa’y-harakatlari bilan ustunlikni ikki barobarga oshirishdi.