«Манчестер Юнайтед»дан «Трабзонспор»га ижарага берилган дарвозабон Андре Онана келаётган ёзда янги клубга кўчиб ўтиши мумкин.

Камерунлик посбоннинг хизматларига Туркия Суперлигасининг бошқа бир вакили — «Бешиктош» қизиқиш билдирмоқда. Бу ҳақда журналист Николо Скира хабар бермоқда. Аввалроқ, «қизил иблислар» 30 ёшли футболчи ижарадан қайтганидан сўнг жамоада ўз маҳоратини қайта исботлаш истагида бўлишига қарамай, уни сотиб юбормоқчи эканликлари ҳақида хабарлар тарқалган эди.

Transfermarkt талқинига кўра, Андре Онананинг бозор қиймати 12 млн еврони ташкил этади. Жорий мавсумда дарвозабон «Трабзонспор» сафида барча мусобақаларда 25 та ўйинда майдонга тушиб, 33 та гол ўтказиб юборди.