«ПСЖ» марказий ярим ҳимоячиси Фабиан Руиснинг ҳолати ҳақида маълумот пайдо бўлди.
Журналистлар Артур Перро ва Фабрис Хокинснинг хабар беришича, айни дамда Руис юқори интенсивликдаги машғулотларни ўтказмоқда. Унинг сафга қайтиши яқин 2-3 ҳафта ичида кутилмоқда, гарчи клуб ҳозирча расмий санани эълон қилмаган бўлса-да. Таъкидланишича, яқинда тарқалган миш-мишларга қарамай, тиббий ходимлар ва Руис ўртасида ҳеч қандай кескинлик мавжуд эмас.
Руис охирги марта шу йилнинг январь ойида майдонга тушган эди. 30 ёшли испаниялик футболчи жорий мавсумда барча мусобақаларда жами 24 та ўйинда иштирок этиб, иккита гол ва учта голли узатмага муаллифлик қилди.
