«PSJ» markaziy yarim himoyachisi Fabian Ruisning holati haqida ma’lumot paydo bo‘ldi.
Jurnalistlar Artur Perro va Fabris Xokinsning xabar berishicha, ayni damda Ruis yuqori intensivlikdagi mashg‘ulotlarni o‘tkazmoqda. Uning safga qaytishi yaqin 2-3 hafta ichida kutilmoqda, garchi klub hozircha rasmiy sanani e’lon qilmagan bo‘lsa-da. Ta’kidlanishicha, yaqinda tarqalgan mish-mishlarga qaramay, tibbiy xodimlar va Ruis o‘rtasida hech qanday keskinlik mavjud emas.
Ruis oxirgi marta shu yilning yanvar oyida maydonga tushgan edi. 30 yoshli ispaniyalik futbolchi joriy mavsumda barcha musobaqalarda jami 24 ta o‘yinda ishtirok etib, ikkita gol va uchta golli uzatmaga mualliflik qildi.
