Мадриднинг «Реал» клуби қанот ҳимоячиси Дани Карвахаль жамоадаги ҳозирги мавқеидан норози бўлмоқда, деб хабар бермоқда «Marca» нашри.

Манба берган маълумотларга кўра, 34 ёшли латераль ҳали ҳам «қироллик клуби»га майдонда фойда келтиришга қодирман, деб ҳисоблайди. Ўйин амалиётининг камлиги сабабли Карвахаль ва жамоа мураббийлар штаби ўртасидаги муносабатлар кескинлашган. Ушбу тажрибали ҳимоячи учун жорий мавсум «қаймоқранглилар» сафидаги охиргиси бўлиши истисно этилмаяпти.

Карвахаль 2013 йилнинг ёзидан буён Мадрид жамоаси шарафини ҳимоя қилиб келмоқда. Томонлар ўртасидаги амалдаги шартнома муддати 2026 йилнинг июнь ойи охирида якунига етади.