Madridning «Real» klubi qanot himoyachisi Dani Karvaxal jamoadagi hozirgi mavqeidan norozi bo‘lmoqda, deb xabar bermoqda «Marca» nashri.
Manba bergan ma’lumotlarga ko‘ra, 34 yoshli lateral hali ham «qirollik klubi»ga maydonda foyda keltirishga qodirman, deb hisoblaydi. O‘yin amaliyotining kamligi sababli Karvaxal va jamoa murabbiylar shtabi o‘rtasidagi munosabatlar keskinlashgan. Ushbu tajribali himoyachi uchun joriy mavsum «qaymoqranglilar» safidagi oxirgisi bo‘lishi istisno etilmayapti.
Karvaxal 2013 yilning yozidan buyon Madrid jamoasi sharafini himoya qilib kelmoqda. Tomonlar o‘rtasidagi amaldagi shartnoma muddati 2026 yilning iyun oyi oxirida yakuniga yetadi.













