«Ньюкасл» бош мураббийи Эдди Хау 35 ёшли ҳимоячи Киран Триппьернинг мавсум якунида жамоани тарк этиши ҳақидаги хабарларга изоҳ берди. Аввалроқ, футболчи шартномаси тугагач, эркин агент сифатида клубдан кетиши маълум бўлган эди.

«Киран ўзини профессионал даражада тутди. У ҳузуримга келди ва биз очиқчасига гаплашиб олдик. У ўз келажагини қандай тасаввур қилиши бўйича аниқ режага эга ва биз буни ҳурмат қиламиз. Мен учун у фаолиятим давомида шуғуллантирган энг яхши футболчилардан бири. У барқарорлик намунасидир», — дея Хаунинг сўзларини «қарғалар» матбуот хизмати келтирмоқда.

Триппьер 2022 йилдан буён «Ньюкасл» шарафини ҳимоя қилиб келмоқда. Жорий мавсумда тажрибали ҳимоячи барча турнирларда 34 та ўйинда майдонга тушиб, 4 та голли узатмани амалга оширди.