«Ливерпуль» сардори ва ҳимоячиси Вирджил ван Дейк жамоанинг бу йилги кўрсаткичларидан кескин норозилигини билдирди. Унинг сўзларига кўра, клуб ҳозирги вазиятда ўзининг аввалги даражасидан анча йироқлашиб кетган.
«Буни қабул қилиб бўлмайди. Реаллик шундай. Бу жуда аламли ва қабул қилиш қийин бўлган ҳақиқат. Ҳар бир нарсанинг якуни бор, жумладан, менинг бу ердаги фаолиятимнинг ҳам. Ҳозирги кунда биз барқарор эмасмиз. Жуда кўп ўйинларда ютқазяпмиз. Яхши дамлар бўлиб турибди, лекин уларни изчиллик билан давом эттира олмаяпмиз. Илгари биз бундай қийинчиликларни биргаликда енгиб ўтардик. Энди ҳам ҳаммамиз бирлашишимиз кераклигини англашимиз лозим», — дея ван Дейкнинг сўзларини Daily Mail нашри келтирмоқда.
