«Астон Вилла» бош мураббийи Унаи Эмери Европа Лигаси чорак финалининг илк баҳсида «Болонья» устидан қозонилган сафардаги ишончли ғалаба (3:1) ҳақида ўз фикрларини билдирди.
«Биз хурсандмиз, лекин ҳар бир нарсада мувозанатни сақлаш муҳим. Биринчи бўлимда бироз кишанлангандек ўйнадик ва ўйинимиздан кўра натижамиз яхшироқ бўлди. Иккинчи бўлим эса бутунлай бошқача ўтди: биз назоратни қўлга олдик ва режа бўйича ҳаракат қилдик.
Улар гол уришганда биз ажойиб реакция кўрсатдик ва сўнгги сонияларда учинчи голни урдик. Бу яхши натижа, лекин олдинда жавоб ўйини бор. Улар хавфли жамоа, шунинг учун кийиниш хонасидаги асосий гапим шу бўлди: рақибни ҳурмат қилиш керак», — деди Эмери.
Жавоб учрашуви 16 апрель куни Бирмингемдаги «Вилла Парк» стадионида бўлиб ўтади.
