Мадриднинг «Реал» клуби бош мураббийи Альваро Арбелоа Чемпионлар Лигаси чорак финалидан ўрин олган «Бавария»га қарши илк баҳсда (1:2) стадионнинг Винисиус Жуниорга нисбатан намойиш этган норозилигига изоҳ берди.

«Менинг Винисиус ҳақидаги фикримни, у мен учун мураббий ва «Реал» мухлиси сифатида қандай аҳамиятга эга эканлигини яхши биласиз. «Бернабеу»да тўп суриш — бу катта омад. Мухлисларнинг ҳуштаклари эса уларнинг талабчанлигининг бир қисми, мен буни табиий ва нормал ҳолат деб ҳисоблайман.

Кимдир таранг муҳитни сезиши мумкин, лекин биз мухлисларнинг қўллаб-қувватлашини ҳис қиляпмиз. «Бернабеу» муҳити туфайли жамоа характер кўрсатди ва кўплаб вазиятлар яратди», — деди Арбелоа клуб расмий сайтига.