Madridning «Real» klubi bosh murabbiyi Alvaro Arbeloa Chempionlar Ligasi chorak finalidan o‘rin olgan «Bavariya»ga qarshi ilk bahsda (1:2) stadionning Vinisius Juniorga nisbatan namoyish etgan noroziligiga izoh berdi.
«Mening Vinisius haqidagi fikrimni, u men uchun murabbiy va «Real» muxlisi sifatida qanday ahamiyatga ega ekanligini yaxshi bilasiz. «Bernabeu»da to‘p surish — bu katta omad. Muxlislarning hushtaklari esa ularning talabchanligining bir qismi, men buni tabiiy va normal holat deb hisoblayman.
Kimdir tarang muhitni sezishi mumkin, lekin biz muxlislarning qo‘llab-quvvatlashini his qilyapmiz. «Bernabeu» muhiti tufayli jamoa xarakter ko‘rsatdi va ko‘plab vaziyatlar yaratdi», — dedi Arbeloa klub rasmiy saytiga.
