Мадриднинг «Реал» клуби бош мураббийи Альваро Арбелоа Ла Лиганинг 31-тури доирасидаги «Жирона»га қарши ўйин олдидан турнир жадвалидаги ҳолат ва чемпионлик учун кураш ҳақида ўз фикрларини билдирди. Ҳозирда «Барселона» мадридликларни 7 очкога ортда қолдирмоқда.

«Биз учун ҳар бир ўйин жуда муҳим эканлигини тушуниб турибмиз. Агар илгари хато қилишга ҳаққимиз деярли бўлмаган бўлса, ҳозир бу имконият янада камайган. Мақсадимиз — ҳар бир ўйинда ғалаба қозониш. Токи имконият бор экан, биз курашамиз. Агар қачондир имконият қолмаса ҳам, барибир худди шундай курашишда давом этамиз. Бу ўзгармайди; биз ким эканлигимизни, кўкрагимиздаги эмблема қандай масъулият юклашини ва талабларни яхши биламиз. Биз бунга тайёрмиз», — деди Арбелоа клуб расмий сайтига.