«Кристал Пэлас» бош мураббийи Оливер Гласнер Конференция Лигаси чорак финалининг илк баҳсида Италиянинг «Фиорентина» жамоаси устидан қозонилган йирик ғалаба (3:0) ҳақида ўз фикрларини билдирди.

«Менга биринчи бўлим ва ўйиннинг сўнгги 20-25 дақиқасидаги ҳаракатларимиз маъқул келди: қандай куч билан олдинга ўтганимиз, агрессив ҳужум қилганимиз ва дарвозага интилганимиз, шу билан бирга мувозанатни сақлаганимиз.

Иккинчи бўлимда «Фиорентина» фаоллашган пайтлар бўлди, аммо алмаштиришлар ўйин тақдирини ҳал қилди деб ўйлайман. Якунда биз тўртинчи голни уришга улар биринчи голини уришидан кўра яқинроқ эдик. Бу фақат биринчи қадам, иккинчисини бир ҳафтадан кейин қўямиз», — деди Гласнер УЕФА расмий сайтига.

Гласнер, шунингдек, жамоа олдида АПЛ доирасида «Ньюкасл»га қарши муҳим ўйин турганини ва ҳар икки турнирда ҳам юқори натижа қайд этиш ниятида эканликларини таъкидлаб ўтди.