Япония терма жамоасининг собиқ ярим ҳимоячиси Кейсуке Хонда фаолиятини Сингапурнинг «Альбрекс Ниигата Сингапур» клубида давом эттиради. Ушбу жамоа кейинги мавсумдан бошлаб «Журонг» деб номланади, дея хабар бермоқда клуб расмий сайти.

Хонда август ойида янги жамоасига қўшилади ва Сингапурда 2026/27 йилги мавсумни ўтказади.

39 ёшли япониялик футболчининг охирги клуби Бутаннинг «Паро» жамоаси эди. Хонда 2010 йилдан 2013 йилгача Россиянинг ЦСКА жамоасида тўп сурган ва у ерда 2012/13 йилги мавсумда Россия чемпионига айланган. Шунингдек, ярим ҳимоячи фаолияти давомида «ВВВ-Венло», «Нагоя Грампус», «Милан», «Пачука», «Мельбурн Виктори», «Витесс», «Ботафого», «Портимоненсе», «Нефтчи» (Боку) ва «Судува» каби клублар шарафини ҳимоя қилган.