Yaponiya terma jamoasining sobiq yarim himoyachisi Keysuke Xonda faoliyatini Singapurning «Albreks Niigata Singapur» klubida davom ettiradi. Ushbu jamoa keyingi mavsumdan boshlab «Jurong» deb nomlanadi, deya xabar bermoqda klub rasmiy sayti.
Xonda avgust oyida yangi jamoasiga qo‘shiladi va Singapurda 2026/27 yilgi mavsumni o‘tkazadi.
39 yoshli yaponiyalik futbolchining oxirgi klubi Butanning «Paro» jamoasi edi. Xonda 2010 yildan 2013 yilgacha Rossiyaning SSKA jamoasida to‘p surgan va u yerda 2012/13 yilgi mavsumda Rossiya chempioniga aylangan. Shuningdek, yarim himoyachi faoliyati davomida «VVV-Venlo», «Nagoya Grampus», «Milan», «Pachuka», «Melburn Viktori», «Vitess», «Botafogo», «Portimonense», «Neftchi» (Boku) va «Suduva» kabi klublar sharafini himoya qilgan.
