Муҳаммад Кудус футбол бўйича жаҳон чемпионатини ўтказиб юбориш хавфи остида қолди.
Ўтган ёзда «Тоттенҳэм» томонидан 55 миллион фунт эвазига сотиб олинган Гана терма жамоаси ярим ҳимоячиси январь ойида сонидан жароҳат олган эди ва ўшандан бери майдонга тушгани йўқ.
Кеча «шпорлар» ўтган ҳафтада умумий гуруҳ машғулотларига қайтган 25 ёшли футболчида эски жароҳати қайталанганини маълум қилишди. Энди унга жарроҳлик амалиёти талаб этилиши мумкин.
Жорий мавсумда Кудус АПЛнинг 19 та ўйинида қатнашиб, 6 та голли узатмани амалга оширган — бу ҳозиргача «Тоттенҳэм»даги энг яхши кўрсаткич бўлиб турибди.
