«Барселона» футболчилари Чемпионлар лигасида «Атлетико»дан учралган мағлубиятнинг (0:2) эртасига тикланиш дастури бўйича машғулот ўтказишди. Ўйинда иштирок этмаган қолган футболчилар эса тўлиқ машғулотларда қатнашишди.
Клуб расмий сайтининг хабар беришича, ярим ҳимоячи Френки де Йонг машғулотларнинг бир қисмини умумий гуруҳда ўтказган. Нидерландиялик футболчи айни дамда жароҳатидан сўнг тикланиш жараёнини давом эттириб, спорт формасини тикламоқда.
Шуни алоҳида таъкидлаш жоизки, де Йонг охирги марта «Барселона» сафида қишда — 22 февраль куни майдонга тушган эди.
«Барселона» навбатдаги учрашувини 11 апрель куни Испания чемпионати доирасида ўз майдонида «Эспаньол»га қарши ўтказади.
