Сешанба куни «Реал» ўз майдонида «Бавария»га 1:2 ҳисобида имкониятни бой берди. Чемпионлар лигаси чорак финалининг жавоб учрашуви келаси ҳафта Мюнхенда бўлиб ўтади. Бироқ унгача «қаймоқранглилар»ни Испания чемпионати доирасида «Жирона»га қарши баҳс кутмоқда.
Матбуот анжуманида «Реал» бош мураббийи Альваро Арбелоадан бўлажак Мюнхен сафарини инобатга олиб, таркибда ротация амалга ошириш-оширмаслиги ҳақида сўрашди.
«Мен майдонга тушиб, ғалаба қозонишни истайман. «Мальорка»га қарши ўтган баҳсда, натижадан қатъи назар, мен энг яхшиларни танлаган эдим. Ротация ҳақида ўйлаётганим йўқ. Мураббий сифатида мен учун энг муҳим ўйин — бу навбатдаги баҳс. Мен унга мос таркибни тузаман», — деди Арбелоа.
«Реал» — «Жирона» учрашуви жума, 10 апрель куни бўлиб ўтади. Ўйин Тошкент вақти билан соат 00:00 да бошланади.
