Seshanba kuni «Real» o‘z maydonida «Bavariya»ga 1:2 hisobida imkoniyatni boy berdi. Chempionlar ligasi chorak finalining javob uchrashuvi kelasi hafta Myunxenda bo‘lib o‘tadi. Biroq ungacha «qaymoqranglilar»ni Ispaniya chempionati doirasida «Jirona»ga qarshi bahs kutmoqda.

Matbuot anjumanida «Real» bosh murabbiyi Alvaro Arbeloadan bo‘lajak Myunxen safarini inobatga olib, tarkibda rotasiya amalga oshirish-oshirmasligi haqida so‘rashdi.

«Men maydonga tushib, g‘alaba qozonishni istayman. «Malyorka»ga qarshi o‘tgan bahsda, natijadan qat’i nazar, men eng yaxshilarni tanlagan edim. Rotasiya haqida o‘ylayotganim yo‘q. Murabbiy sifatida men uchun eng muhim o‘yin — bu navbatdagi bahs. Men unga mos tarkibni tuzaman», — dedi Arbeloa.

«Real» — «Jirona» uchrashuvi juma, 10 aprel kuni bo‘lib o‘tadi. O‘yin Toshkent vaqti bilan soat 00:00 da boshlanadi.