«Челси» клуби «Штутгарт» ярим ҳимоячиси Ангело Штиллернинг ҳаракатларини кузатиб бормоқда. Германия терма жамоаси аъзоси Бундеслиганинг 16-тури доирасида «шваблар» «Байер»ни 4:1 ҳисобида мағлуб этган ўйинда лондонликларда катта таассурот қолдирган. Бу ҳақда Bild нашри хабар бермоқда.

Манба берган маълумотга кўра, «Штутгарт» 25 ёшли футболчининг трансферини тахминан 50 млн еврога баҳоламоқда. Ўтган ёзда «Манчестер Юнайтед» трансфер ойнасининг сўнгги палласида ярим ҳимоячи билан шартнома имзолашга уриниб кўрган эди. Агар Штиллер АПЛга ўтса, унинг маоши камида икки баравар ошиши мумкин. Ҳозирги кунда у йилига 4,5 млн евро маош олади.

Жорий мавсумда Штиллер барча мусобақаларда 44 та ўйинда иштирок этиб, битта гол ва 10 та голли узатмага муаллифлик қилди. Футболчининг клуб билан амалдаги шартномаси 2028 йил ёзигача мўлжалланган. Transfermarkt портали маълумотларига кўра, унинг бозор қиймати 45 млн еврони ташкил этади.