Мадриднинг «Реал» клуби ҳужумчиси Килиан Мбаппе Чемпионлар лигаси 1/4 финалининг биринчи босқичида Мюнхеннинг «Бавария» жамоасига қарши ўйинда (1:2) гол урди. Шу тариқа, франциялик форвард Европанинг энг нуфузли турнирида бир мавсумда урилган голлар сони бўйича «Барселона»нинг собиқ ўйинчиси Лионель Мессига тенглашиб олди.
Чемпионлар лигасининг жорий мавсумида Мбаппе ҳисобида 14 та гол мавжуд. Мессида ҳам 2011/2012 йилги мавсумда айнан шунча гол бўлган эди. Турнир рекорди эса Криштиану Роналдуга тегишли. Португалиялик ҳужумчи 2013/2014 йилги мавсумда «Реал Мадрид» сафида 17 та гол уришга муваффақ бўлган.
«Бавария» ва «Реал» ўртасидаги жавоб учрашуви 15 апрель куни бўлиб ўтади.
