«Интер Майами» ҳужумчиси Луис Суарес 2026 йилги Жаҳон чемпионатида иштирок этиш учун Уругвай терма жамоасидаги фаолиятини тиклашга тайёрлиги ҳақидаги саволга жавоб берди.
«Шубҳасиз, терма жамоа ҳар доим биринчи ўринда туради. Мен бугуннинг ўзидаёқ қайтиш ҳақида ўйлашни бошладим, буни миямда таҳлил қиляпман. Жаҳон чемпионати яқинлашмоқда ва агар жамоа сенга муҳтож бўлса... Мен ҳеч қачон ўз мамлакатимга «йўқ» демайман, ҳеч қачон «йўқ» демайман. Модомики, мен ҳали ўйнаяпман ва фаолиятимни тугатмаган эканман, бунинг иложи йўқ», — деди Суарес.
Эслатиб ўтамиз, 2024 йилда Луис Суарес Уругвай терма жамоасидаги фаолиятини якунлаганини эълон қилган эди. У миллий жамоа сафида жами 143 та ўйин ўтказиб, 69 та гол уришга муваффақ бўлган.
