Мадриднинг «Реал» клуби бош мураббийи Альваро Арбелоа Килиан Мбаппе ва Винисиус Жуниорнинг ўйини ҳақидаги фикрлари билан ўртоқлашди.
Жума куни «қаймоқранглилар» Ла Лиганинг ўз уйидаги баҳсида «Жирона»ни мағлуб эта олмади (1:1). Франциялик ва бразилиялик футболчилар ҳужумда жуфтлик ҳосил қилишди, бироқ самарали ҳаракатлари билан ажралиб тура олишмади. Журналистлар Арбелоадан юлдузли ҳужумчиларнинг майдонда бирга ҳаракат қилишида юзага келаётган муаммолардан хавотирда эмасми ёки йўқлигини сўрашди.
«Мбаппе ва Винисиус шундай сермаҳсуллик кўрсатиб турган бир пайтда, қандай қилиб уларнинг ўйинидан хавотир олишим мумкин? Иккаласи ҳам дунёнинг энг яхши футболчилари қаторига киради. Мен хотиржамман», — дея испаниялик мутахассиснинг сўзларини келтирмоқда The Touchline.
«Реал»нинг «Жирона» дарвозасига киритган ягона голига Федерико Вальверде муаллифлик қилди.
