Madridning «Real» klubi bosh murabbiyi Alvaro Arbeloa Kilian Mbappe va Vinisius Juniorning o‘yini haqidagi fikrlari bilan o‘rtoqlashdi.

Juma kuni «qaymoqranglilar» La Liganing o‘z uyidagi bahsida «Jirona»ni mag‘lub eta olmadi (1:1). Fransiyalik va braziliyalik futbolchilar hujumda juftlik hosil qilishdi, biroq samarali harakatlari bilan ajralib tura olishmadi. Jurnalistlar Arbeloadan yulduzli hujumchilarning maydonda birga harakat qilishida yuzaga kelayotgan muammolardan xavotirda emasmi yoki yo‘qligini so‘rashdi.

«Mbappe va Vinisius shunday sermahsullik ko‘rsatib turgan bir paytda, qanday qilib ularning o‘yinidan xavotir olishim mumkin? Ikkalasi ham dunyoning eng yaxshi futbolchilari qatoriga kiradi. Men xotirjamman», — deya ispaniyalik mutaxassisning so‘zlarini keltirmoqda The Touchline.

«Real»ning «Jirona» darvozasiga kiritgan yagona goliga Federiko Valverde mualliflik qildi.