«Ан-Наср» ҳужумчиси Криштиану Роналду ижтимоий тармоқдаги мухлислар саҳифасида эълон қилинган, унинг 2023 йилда Араб чемпионлар кубогида урган олти голининг легитимлиги тан олиниши ҳақидаги постга изоҳ қолдирди.

Ҳозирги вақтда ФИФА мазкур мусобақанинг расмий мақомига аниқ таъриф бермагани сабабли, турли статистик сайтларда Роналдунинг голлари бўйича турлича маълумотлар келтирилмоқда. Айрим манбалар португалиялик футболчининг фаолияти давомида 967 эмас, балки 961 та гол урганини кўрсатган.

Мухлислар аккаунтида қуйидагича ёзилган:

«Кўпчилик мендан Криштиану Роналду 2023 йилда «Ан-Наср» сафида ўйнаган Араб чемпионлар кубоги ҳақида сўради. Ушбу мусобақанинг расмий мақоми бор-йўқлиги борасида тушунмовчиликлар туфайли, TNT Sports ва ESPN каби ресурслар ёки Фабрицио Романо каби журналистлар одамларни чалғитди.

Аслида эса, ФИФА бошиданоқ бу титулни расмий деб тан олган. Ушбу соврин, шунингдек, ундаги Криштианунинг голлари ҳам унинг умумий статистикасига қўшилади. Унинг 967 та голидан бирортаси ҳам “ўчирилмайди”.

Менинг маслаҳатим: фактларни текширинг. Интернетда кўрган ҳар бир нарсангизга ишонавераманг — ҳаммаси ҳам ҳақиқат эмас. Баъзида бу шунчаки бир томонлама журналистларнинг ёлғон материаллари бўлиши мумкин».

Роналду эса ушбу пост остида шундай изоҳ қолдирди: «Қабул қилиш — бу фазилат».