Шу ёзда Мадриднинг "Реал" клубидан Неаполнинг "Наполи" жамоасига ўтган ҳужумчи Гонсало Игуаин энди эски жамоасидан ортиқ аразламаслигини таъкидлаб ўтди. Игуаиннинг сўзларига кўра, у "қироллик клуби"га қарши учрашув ўтказишни сабрсизлик билан кутмоқда.
"Реал"дан кетганимдан кейин ҳеч қандай аразим қолмади. Аксинча, иложи борича тезроқ "Наполи" сафида "Реал"га қарши ўйнашни истаяпман.
Италияга келишимнинг сабаби оддий: мен кўпроқ ўйин амалиётини хоҳладим. Сабаби Жаҳон чемпионати яқин ва мен формада бўлиб туришим керак.
Анчелотти мени қолиш учун кўндиришга уриниб кўрди, лекин мен қарор қабул қилгандим ва уни ўзгартирмадим", дея унинг сўзларидан иқтибос келтиради "Marca".













