Англия терма жамоаси собиқ футболчиси Уэйн Руни "Барселона"нинг Чемпионлар лигаси ярим финалига чиқиш имкониятлари ҳақида ўз фикрлари билан ўртоқлашди.

"Қулоқ солинг, одамлар "Барселона"ни ҳисобдан чиқаришмоқда, аммо уларга қарши гаров боғласангиз, аҳмоқлик қилган бўласиз. "Барселона" катта ўйинларда қандай ҳаракат қилишни бошқалардан кўра яхшироқ билади. Албатта, "Атлетико" — шаклланиб бўлган кучли жамоа, лекин улар ҳеч қачон Чемпионлар лигасида ғолиб чиқишмаган. "Барса"да эса ўйинни ўз томонига оғдириш ва ҳаммага ўзларининг кимлигини эслатиб қўйиш учун керакли ДНК мавжуд", — дея Рунининг сўзларини келтиради Barca Scoop нашри.

Эслатиб ўтамиз, Чемпионлар лигаси чорак финалининг дастлабки учрашувида "Барселона" ўз майдонида "Атлетико"га 0:2 ҳисобида имкониятни бой берган эди. Ўша баҳснинг бутун иккинчи бўлими давомида каталонияликлар бир киши кам бўлиб ўйнашган.

Жавоб учрашуви 14 апрель куни бўлиб ўтади. Ўйин Тошкент вақти билан соат 00:00 да бошланиши режалаштирилган.