Косово терма жамоаси ва Испаниянинг "Мальорка" клуби ҳужумчиси Ведат Мурики Туркиянинг "Фенербахче" жамоасига ўтиши мумкин. Kosovan Football нашри хабарига кўра, "Фенербахче" Мурикини ёзги трансфер ойнаси учун ўз рўйхатига киритган.

Футболчи учун 5–6 миллион евро таклиф қилиниши кутилмоқда. Истанбул клуби раҳбариятининг фикрича, агар "Мальорка" Ла Лигани тарк этса, трансфер жараёни анча тезлашиши мумкин. Ҳозирда жамоа Испания чемпионатида 16-ўринда бормоқда ва хавфли ҳудудда турган "Эльче"дан атиги 2 очко олдинда.

Мурики аввал ҳам, 2019–20 йилги мавсумда "Фенербахче" шарафини ҳимоя қилган. Ўшанда у 36 та ўйинда 17 та гол уриб, 7 та голли узатмани амалга оширган эди. Жорий мавсумда 31 ёшли ҳужумчи 29 та баҳсда 19 та гол ва 1 та ассист қайд этди. Transfermarkt портали футболчининг қийматини 4,5 миллион еврога баҳоламоқда.