Лондоннинг "Челси" клуби бош мураббийи Лиам Росеньор жамоа ярим ҳимоячиси Мойсес Кайседо ҳақида ўз фикрлари билан ўртоқлашди.
"Мойсес — жаҳон футболидаги энг яхши таянч ярим ҳимоячиларидан бири, балки энг яхшисидир. У якшанба куни биз учун жуда муҳим бўлади", — дея Росеньорнинг сўзларини келтиради журналист Фабрицио Романо.
Эслатиб ўтамиз, 2023 йилда "Челси" Кайседони "Брайтон"дан 120 миллион евро эвазига сотиб олган эди. Жорий мавсумда 24 ёшли хавбек барча турнирларни инобатга олган ҳолда 41 та ўйинда иштирок этди, рақиблар дарвозасини беш бор ишғол қилди ва битта голли узатма муаллифига айланди.
