"Арсенал" ҳужумчиси Виктор Дьёкереш АПЛ доирасида "Борнмут"дан қабул қилинган мағлубиятдан (1:2) сўнг "Эмирейтс" стадиони майдони ҳолатини танқид қилди.
"Рақиб қарши ҳужумларда яхши ҳаракат қилди. Уларда кучли футболчилар бор, яхши комбинацияларни амалга оширишди. Аммо биз яхшироқ ўйнашимиз керак эди.
Ўйин сўнгида бизда вазиятлар бўлди. Майдон анча қуруқ эди, бу бизга ёрдам бермади.
Ўзимга бўлган ишончим юқори. Бугунги ўйинга ёпишиб олмаслигимиз керак. Олдинга қараш ва ижобий кайфиятни сақлаб қолиш лозим", — деди ҳужумчи BBC'га берган интервьюсида.
