"Барселона" вингери Ламин Ямал шанба кунги "Эспаньол"га қарши дербининг (4:1) асосий қаҳрамонига айланди.
18 ёшли футболчи учрашувнинг 9 ва 25-дақиқаларида Ферран Торресга голли узатма етказиб берган бўлса, 87-дақиқада рақиб дарвозасини ўзи ишғол қилди. Шу тариқа, "кўк-анорранглилар"нинг ёш юлдузи ҳисобида Испания чемпионатининг жорий мавсумида 26 та самарали ҳаракат (15 та гол ва 11 та ассист) мавжуд.
Ушбу кўрсаткич бўйича Ла Лигада фақатгина Мадриднинг "Реал" клуби тўпурари Килиан Мбаппе ундан олдинда бормоқда — француз юлдузи 27 та голда (23+4) бевосита иштирок этган. Кучли учликни эса 20 очко (19+1) билан "Мальорка" ҳужумчиси Ведат Мурики якунлаб турибди.
Ҳозирда Ламин Ямал Ла Лиганинг энг яхши ассистентлари пойгасида пешқадамлик қилмоқда, тўпурарлар рўйхатида эса Мбаппе ва Мурикидан кейин учинчи ўринни эгаллаб турибди.
