"Barselona" vingeri Lamin Yamal shanba kungi "Espanyol"ga qarshi derbining (4:1) asosiy qahramoniga aylandi.
18 yoshli futbolchi uchrashuvning 9 va 25-daqiqalarida Ferran Torresga golli uzatma yetkazib bergan bo‘lsa, 87-daqiqada raqib darvozasini o‘zi ishg‘ol qildi. Shu tariqa, "ko‘k-anorranglilar"ning yosh yulduzi hisobida Ispaniya chempionatining joriy mavsumida 26 ta samarali harakat (15 ta gol va 11 ta assist) mavjud.
Ushbu ko‘rsatkich bo‘yicha La Ligada faqatgina Madridning "Real" klubi to‘purari Kilian Mbappe undan oldinda bormoqda — fransuz yulduzi 27 ta golda (23+4) bevosita ishtirok etgan. Kuchli uchlikni esa 20 ochko (19+1) bilan "Malyorka" hujumchisi Vedat Muriki yakunlab turibdi.
Hozirda Lamin Yamal La Liganing eng yaxshi assistentlari poygasida peshqadamlik qilmoqda, to‘purarlar ro‘yxatida esa Mbappe va Murikidan keyin uchinchi o‘rinni egallab turibdi.
