«Барселона» ҳужумчиси Ферран Торрес Чемпионлар лигаси доирасида Мадриднинг «Атлетико» клубига қарши кечадиган қарама-қаршиликда жамоасининг муваффақият қозонишига ишонч билдирди.

Каталонияликлар чорак финалнинг дастлабки баҳсида ўз майдонида «матрасчилар»га имкониятни бой беришган (0:2). Жавоб учрашуви сешанба куни, 14 апрель санасида бўлиб ўтади.

— «Атлетико» билан бўладиган жавоб ўйинида вазиятни ўз фойданггизга ўнглай оласизларми?

— Ҳа, албатта. Ва биз буни уддалаймиз! — дея Торреснинг жавобидан иқтибос келтирмоқда Barca Universal.

Шанба куни Ферран дубль қайд этиб, «кўк-анорранглилар»нинг чемпионат доирасида «Эспаньол» устидан қозонилган йирик ғалабасига (4:1) ўз ҳиссасини қўшди.

«Барселона» — «Атлетико» жуфтлиги ғолиби ярим финалда Лондоннинг «Арсенал» ёки Лиссабоннинг «Спортинг» жамоаларидан бири билан тўқнаш келади.