«Манчестер Сити» бош мураббийи Хосеп Гвардиола ҳужумкор ярим ҳимоячи Райан Шеркининг иқтидоридан ҳайратда қолганини яширмади.
«Шерки — мен ҳаётимда кўрган энг ғайритабиий иқтидор соҳибларидан бири. У мени ҳайратда қолдирди. Умид қиламанки, у бу ерда кўп йиллар давомида тўп суради, чунки унда энг юқори даражадаги футболчига айланиш учун барча фазилатлар мавжуд», — дея Гвардиоланинг сўзларини келтирмоқда The Touchline.
Райан Шерки ўтган йилнинг июнь ойида «Лион»дан «Манчестер Сити» сафига келиб қўшилган эди.
«Шаҳарликлар»нинг «Челси»га қарши баҳси Тошкент вақти билан соат 20:30 да бошланади.
