Германиялик собиқ футболчи Тони Кроос Мадриднинг «Реал» клубига қайтиши мумкин. Бу ҳақда AS журналистлари хабар бермоқда.
Манба берган маълумотларга кўра, «қироллик клуби» германиялик мутахассисга ўз тузилмасида ишлашни таклиф қилмоқчи. Кроосни таклиф этишдан Мадрид гранди раҳбари Флорентино Переснинг шахсан ўзи манфаатдор.
Эслатиб ўтамиз, собиқ ярим ҳимоячи 2014 йилдан 2024 йилгача «қаймоқранглилар» шарафини ҳимоя қилган. Мадрид клуби таркибида Кроос тўрт марта Испания Ла Лигасида ғолиб чиққан ва беш бор УЕФА Чемпионлар лигаси ғолибига айланган.
«Реал» навбатдаги учрашувини Чемпионлар лигаси чорак финали доирасида Мюнхеннинг «Бавария» клубига қарши ўтказади. Дастлабки баҳсда мадридликлар 1:2 ҳисобида имкониятни бой беришган эди.
