«Барселона» Ла Лига доирасида «Эспаньол»ни тор-мор этди (4:1).

Шу тариқа, «блауграна» кетма-кет бешинчи бор Каталония дербисида ғалаба қозонди.

«Барселона» охирги марта «Эспаньол»га қарши баҳсда 2022 йилнинг декабрида очко йўқотган эди — ўшанда Примера доирасидаги ўйин 1:1 ҳисобидаги дуранг билан якунланган.

«Блауграна» 2018 йилнинг январидан бери Каталония дербисида мағлубият нималигини билмай келмоқда. Ўшанда жамоа Испания Кубоги 1/4 финалининг дастлабки учрашувида 0:1 ҳисобида имкониятни бой берган эди.

Ла Лига доирасида эса «Барселона» охирги марта 2009 йилнинг февраль ойида «Эспаньол»га (1:2) мағлуб бўлган.