«Манчестер Юнайтед» бош мураббийи Майкл Кэррик Англия Премьер-лигасининг 32-туридан ўрин олган «Лидс Юнайтед»га қарши ўйин олдидан жароҳатланган футболчилар — Маттейс де Лигт ва Патрик Доргунинг ҳозирги ҳолатига тўхталиб ўтди.
«Маттейсда айни дамда оддий тикланиш жараёни кетмоқда. У ҳали майдонга туша олмаслиги сабабли Дублиндаги машғулотларимизда иштирок этмади. Патрик эса бизга қўшилишга муваффақ бўлди, у бу борада бироз илгарилаб кетди. Маттейс ҳали бу даражага етгани йўқ, у учун ҳозир даволанишни давом эттириш ва жамоага қайтиш муҳим. Бундан бошқа сабаб йўқ», — дея Кэррикнинг сўзларини келтирмоқда манкунианликлар расмий сайти.
