Афсонавий собиқ ҳужумчи Роналдо бўлажак Жаҳон чемпионатида Бразилия терма жамоасининг истиқболлари ҳақида гапирди. «Пентакампеонлар» гуруҳ босқичида Марокаш, Гаити ва Шотландия терма жамоалари билан куч синашадилар.

«Бизда Винисиус, Рафинья, Эстевао бор — уларнинг барчаси ажойиб ва Европанинг йирик клубларида ажралиб туришибди. Менимча, бизда ЖЧ-2026да ғолиб чиқиш учун ҳақиқий имкониятлар бор. Анчелотти — футбол тарихидаги энг буюк ва энг муваффақиятли мураббийлардан бири, мен унга ишонаман. Ҳа, қийин бўлади, лекин бизда имконият бор. Ҳозир Бразилиянинг ғалаба қозониш эҳтимоли бошқа 95% терма жамоалардан анча юқори», — дея Роналдонинг сўзларини келтирмоқда Madrid Zone.

Бразилияликларнинг мундиаллардаги ҳозирча охирги зафари 2002 йилга тўғри келади — ўшанда Роналдо 8 та гол билан турнир тўпурари бўлган эди. Эслатиб ўтамиз, Карло Анчелотти ўтган йилнинг ёзида «Селесао» бошқарувини қўлга олган.