«Манчестер Юнайтед» ярим ҳимоячиси ва сардори Бруну Фернандеш ҳужумчи Харри Кейннинг «Тоттенхэм»дан «Бавария»га ўтиш қарорига баҳо берди.

«Агар у «Тоттенхэм»да яна бир ёки икки мавсум қолганида, Премьер-лига тарихидаги энг яхши тўпурарга айланган бўларди. У афсонага айланармиди ёки йўқми? Албатта, айланарди.

У «Бавария»га ўтишга қарор қилди ва бу тўғри қарор, чунки у совринлар ютиш учун катта имконияти борлигини билади. Ҳозир биз «Тоттенхэм»даги каби кўп гол ураётган Кейн ҳақида гапиряпмиз, лекин энди у совринлар қўлга киритаётгани учун «Олтин тўп»ни ҳам ютиши мумкин», — дея Фернандешнинг сўзларини келтирмоқда The Times.

Кейн 2023 йилнинг ёзидан буён «Бавария»да ўйнаб келмоқда. Жорий мавсумда ҳужумчи барча турнирларда 41 та ўйинда иштирок этиб, 49 та гол ва 5 та голли узатмани ўз ҳисобига ёздириб қўйди.

Футболчининг клуб билан амалдаги шартномаси 2027 йилнинг ёзига қадар мўлжалланган. Transfermarkt портали маълумотларига кўра, унинг бозор қиймати 65 миллион еврони ташкил этади.