«Бавария» бош мураббийи Венсан Компани Бундеслиганинг 29-турида «Санкт-Паули» устидан қозонилган йирик ғалаба (5:0) ҳақида фикр билдирди. Ушбу ўйинда мюнхенликлар Бундеслига тарихида бир мавсумда урилган голлар сони бўйича янги рекорд ўрнатишди.

«Ғалабалар ҳаётни доимо осонлаштиришини тушунаман, лақма эмасман. Ўйлашимча, жамоамиз ҳақиқий оилага айланиши учун бор кучимизни ишга соляпмиз. Бугун биз бахтлимиз, лекин ишларимиз у қадар юришмаган пайтларда ҳам бахтли эдик. Менимча, ҳозирги муваффақиятларимизнинг асл сабаби ҳам шунда. Ҳар доим ҳам бир хил асосий таркиб билан эмас, балки ҳамма бир-бирини қўллаб-қувватлайдиган рақобатбардош жамоа билан натижага эришяпмиз», — дея Компанининг сўзларини келтирмоқда Мюнхен клуби матбуот хизмати.

Чемпионат якунига 5 тур қолганида «Бавария» 76 очко билан Бундеслигада пешқадамлик қилмоқда ва Дортмунднинг «Боруссия» клубини 12 очкога ортда қолдирмоқда. Агар кейинги турда Венсан Компани жамоаси дортмундликлардан кўпроқ очко тўпласа, муддатидан олдин чемпионликни расмийлаштириши мумкин.