УЕФА сешанба куни бўлиб ўтадиган Чемпионлар лигаси чорак финалининг жавоб учрашувларини бошқарадиган ҳакамлар номини эълон қилди.
«Атлетико» ва «Барселона» (биринчи ўйин – 2:0) ўртасидаги баҳсни Клеман Тюрпен бошчилигидаги франциялик ҳакамлар бригадаси бошқариб боради. Унга қанотларда Николя Дано ва Бенжамен Паж ёрдам беришади, тўртинчи ҳакам — Матье Вернис. ВАР тизими учун Жером Бризар ва Вилли Делажо масъул этиб белгиланди.
«Ливерпуль» ва «ПСЖ» ўртасидаги учрашув эса италиялик Маурицио Марианига ишониб топширилди. Унга қанотларда Даниэле Биндони ва Альберто Тегони ёрдам беради, захира ҳаками — Маттео Маркетти. ВАРга Марко Ди Белло ва Алеандро ди Паоло тайинланди.
