Англия Премьер-лигасининг бир қатор клублари 16 ёшли вингер Жереми Монгани сотиб олиш имкониятини кўриб чиқмоқда. Бу ҳақда TEAMtalk нашри хабар бермоқда.

Монга айни дамда Чемпионшипда иштирок этаётган «Лестер» шарафини ҳимоя қилмоқда. У асосий жамоадаги дебютини ўтган йили «Ньюкасл»га қарши ўйинда ўтказган эди. Кўп ўтмай, инглиз футболчиси бошқа жамоаларнинг қизиқишига қарамай, «тулкилар» билан стипендиал шартнома имзолаб, ўз келажагини ушбу клуб билан боғлади.

Таъкидланишича, бу ҳолат футболчига бўлган қизиқишни сусайтирмаган. Уни ўз сафида кўришни истаганлар орасида Манчестернинг икки гранд клуби «МЮ» ва «Сити» ҳамда Лондоннинг «Арсенал» жамоаси бор.

Монга жорий мавсумда «Лестер» сафида 35 та ўйинда майдонга тушиб, 1 та гол урди ва 2 та голли узатмани амалга оширди.