Италиялик собиқ футболчи Паоло ди Канионинг фикрича, агар Федерико Кьеза Италияга қайтишга қарор қилса, у маҳаллий футболда яна етакчига айланади. Ди Канио футболчининг АПЛдаги қийинчиликларини Англия чемпионати даражаси А Серияникидан анча юқори эканлиги билан изоҳлади.
«Агар у Италияга қайтса ва яна аввалгидек ўйнай бошласа, ҳаммамиз: "Мамма мия, нега унда Англияда ўхшамади?" деб ҳайрон қоламиз. Чунки АПЛ — бу НБА, А Серия эса шунчаки Италия баскетболидир», — дея ди Канионинг сўзларини келтирмоқда derbyderbyderby.it.
Эслатиб ўтамиз, Италия терма жамоаси сафида 2021 йилги Европа чемпиони бўлган Кьеза аввалроқ Туриннинг «Ювентус» клуби шарафини ҳимоя қилган.
