Миланнинг «Интер» клуби асосий рақобатчилари 32-турда яна очко йўқотганидан сўнг, италиялик собиқ футболчи Паоло ди Канио Кристиан Киву жамоаси Скудеттони қўлга киритишига шубҳа қилмаяпти.

"Одамлар: "Шошма, мана "Наполи" келади-да, ҳамма ўйинларда ғалаба қозонади", дейишаётганди. "Наполи" эса аксинча — ғалаба қозона олмади. Нима учун ҳамма улар қолган барча ўйинларда ютади деб қарор қилганди? Буни ҳеч ким кафолатламайди. Ҳозир, "Интер" орадаги фарқни тўққиз очкога етказган бир пайтда, мен бу масалани ёпиқ деб ҳисоблайман", — дея собиқ футболчининг сўзларини келтирмоқда fcinter1908.it.

Эслатиб ўтамиз, ўтган йили «Наполи» Италия чемпиони бўлган эди.