«Манчестер Юнайтед» ярим ҳимоячиси Мануэль Угарте трансфер бозорида катта қизиқиш уйғотмоқда.
25 ёшли футболчи жорий мавсум якунидан сўнг клубни тарк этиш эҳтимоли жуда юқори — у «қизил иблислар»нинг асосий таркибига камдан-кам ҳолларда киритилмоқда. Журналист Экрем Конурнинг маълумотларига кўра, уругвайлик футболчи учун асосий даъвогарлар сифатида «Ювентус», «Милан», Мадриднинг «Атлетико», «Ньюкасл» ва «Галатасарой» клублари кўрилмоқда.
Transfermarkt портали Мануэль Угартенинг қийматини 30 млн еврога баҳолаган. Эслатиб ўтамиз, ярим ҳимоячи 2024 йилнинг ёзида 50 млн евро эвазига «ПСЖ»дан манкунианликлар сафига келиб қўшилган эди.
