«Ньюкасл» бош мураббийи Эдди Хау нима учун 142 млн еврога сотиб олинган ҳужумчиларни захирада қолдиргани ҳақидаги саволга жавоб берди. Ник Вольтемаде ва Йоан Висса «Кристал Пэлас»га қарши ўйиннинг асосий таркибидан жой олишмади.

«Мен таркибни трансфер суммаларига қараб танламайман. Мен ўз кўзларим билан кўраётган нарсаларим асосида қарор қабул қиламан. Уилл Осула машғулотларда ўзини яхши кўрсатди ва асосий таркибда тушишга лойиқ деб топдим. Менимча, у яхши ўйнади ва чиройли гол урди», — дея Хаунинг сўзларини келтирмоқда журналист Крейг Хоуп.

Эслатиб ўтамиз, Англия чемпионатининг 32-турида «Ньюкасл» сафарда «Кристал Пэлас»га имкониятни бой берди. Учрашув 1:2 ҳисобида якунланди. «Қарғалар» навбатдаги ўйинни 18 апрель куни «Борнмут»га қарши ўтказишади.