Машҳур собиқ футболчилар Самир Насри ва Эден Азар «Тоттенхэм»нинг Премьер-лига жорий мавсумидаги муаммолари ҳақида фикр билдиришди.
«Шпорлар» жиддий равишда Чемпионшипга тушиб кетиш хавфи остида турибди: жамоа мавсум якунига олти тур қолганда АПЛнинг хавфли ҳудудида жойлашган.
"Ҳатто "Арсенал"да ўйнаганимда ҳам "Тоттенхэм"нинг қуйи лигага тушиб кетишини истамаган бўлардим. Бу жуда катта клуб — биз дербидан маҳрум бўлардик", — деди Насри.
"Тоттенхэм"ни катта клуб деб атама — бу ўртамиёна клуб", — дея Азарнинг жавобини келтирмоқда Actu Foot.
Якшанба куни «Тоттенхэм» Роберто де Дзерби бошқарувидаги илк ўйинда «Сандерленд»га имкониятни бой берди (0:1). Ҳозирда лондонликлар турнир жадвалида 18-ўринни эгаллаб туришибди ва 17-поғонадаги «Вест Хэм»дан икки очко ортда қолмоқда.
